Fondacioni shqiptar "Zgjidhja e Konflikteve dhe Pajtimi i Mosmarrëveshjeve" (FZK) u themelua në dhjetor 1995 nga një grup specialistësh të drejtësisë, sociologjisë dhe kulturës. Fondacioni është një organizatë joqeveritare, jofitimprurëse, jofetare dhe e hapur për bashkëpunim me shoqata, fondacione dhe organizata të tjera.

FZK-ja jep ndihmesën për demokratizimin e shoqërisë shqiptare nëpërmjet zgjidhjes me ndërmjetësim e pajtim të mosmarrëveshjeve që lindin nëpërmjet individëve apo grupeve sociale.
 
Përmes programeve në fushën e ndërmjetësimit dhe të edukimit për paqe, FZK-ja synon të influencojë në grupmoshat rinore dhe në grupet e tjera sociale të shoqërisë shqiptare, në promovimin dhe edukimin me vlerat e mirëkuptimit, menaxhimit konstruktiv të konflikteve, ndërmjetësimit e pajtimit dhe të tolerancës.